Jingialang pyrshah MUDA ha Mawlai

Shillong, 31 Naitung:
Ka FKJGP Mawlai Circle, Ka KSU Mawlai Circle ka Seng Samla Mawlai Nongkwar, Seng Samla Mawlai Iewryng hep, Seng Samla Mawlai Phudmuri, Seng Samla Mawlai Mawdatbaki, Seng Samla Mawlai Um thlong, Seng Samla Maw lai Nongpdeng, Seng Sam la Syllaikariah, Seng Samla Mawlai Motsyiar, Seng Samla Mawlai Maw roh, Seng Samla Mawlai Kyntonmassar bad kiwei kiwei ki ia wer ia ki paidbah nongshong shnong jong ka Mawlai Pyllun baroh Kawei sha ka jingialag paidbah ka ban long ha ka 4 tarik u nailar ha Mawlai Nong kwar ha Nongkwar Basic School bad ha ka 5 tarik u nailar ha Mawdatbaki dong Mali Stand IGP ha ka por 6:00 baje janmiet.
Katei ka jingialang ka long ban pynshai paidbah halor ka jingeh ba ki paidbah nng Mawlai ki ia kynduh namar ka jingwan kyntur puda ka MUDA sha ki jaka ba hap hapoh ka jingpeit jong ka District council kynthup ka Mawlai pyllun baroh kawei. Ka kyrwoh khubor na ki nongialam kitei ki seng ki la ong ba ka jingeh ba ki paidbah Mawlai ki ia kynduh mynta ka dei halor ka jinghap siew khajna ki paidbah lyngba ka ka jingpan bor ban tei iing, kaba ki hap ban siew sha ka MUDA, lym kumta kin ym ioh tan bording lane tan um ha ing sah jong ki.