Shillong: Ha ka 11tarik Risaw 2019, ka seng The Ultimate Legend biker association Sohryngkham Unit, ka la pynlong ia ka jingialang ba shisngi, ban iakren halor ka phang ban pynneh mariang, ha kaba lah ia wan ia shim bynta ki skul ba pher pher na shnong bad na marjan shnong.
Ka jingthmu jong kane ka prokram, ka long kumno ban iada ia ka mariang na ka jingpynjot jong u khun bynriew.
La ioh jing kren na u president ka seng, u Samla Kyrshanlang Nongbri, ha kaba ula iathuh ba kane ka jingthmu jong ka seng ka long kumno ban pynneh pynsah bad ban sumar ia ka mariang khnang ba ka mariang ka lah pat ban sumar ia u briew ka jing kylla ka mariang haba kaba shit ka lah ban shit eh bad khriat ka lah ban khriat eh.
Ka jingthmu jong kane ka jingialang, ka long ban ktik ia ki jing mut jingpyrkhat jong ki khynnah kumno pat ban sumar ia ka mariang.
Ha kane ka juh ka sngi la ioh ban sam syndon ia ki khusnam, ia ki nongjop ha ki secondary bad upper primary, ong ka kyrwoh na U Bah Malcolm Kharpran, Secretary.
Phi don ban ong eiei?