Jingialang paidbah ka KSU ha Mawkyrwat

Shillong, 4 Risaw:
Ka KSU South West Khasi Hills District kan pynlong ia ka jingialang paidbah ha ka 7 tarik u risaw ha Mawkyrwat ha ka por 12 baje mynsngi. Katkum ka kyrwoh ba la phah da u samla Marcony Thongni uwei na ki nongialam katei ka seng u la ong ba ka jingialang paidbah kan long halor ki lai tylli ki mat kiba ktah mationg ia ka lawei jong katei ka thaiñ. Katei ka jingialang ka long ruh ban pynshai paidbah halor ka jingsdang biang ka UCIL ban wan pynbiej ia u paidbah ha ka kyrteng ka roi ka par, ka jingthmu ba sha lyndet ka sorkar kmie ban shna ia ka surok Uranium 2 Lane na Nongstoiñ sha Mawthabah bad ka jingpyrshang ki ejen jong ki shipai BSF ban wad ktem ha thaiñ Mawkyrwat.
Ka KSU SWKH ka la khot la wer ia ki paidbah ban ia mih ryntih sha katei ka jingialang paidbah bad kumjuh ruh ka kyrwoh na ka KSU Mawkyrwat Circle Girls’Wing lyngba ka President Samla Banisha Wahlang ka khot ka wer ia baroh ki paidbah ka thain Mawkyrwat sha kane ka jingialang paidbah. La kyrpad ia baroh ki Samla pule,Sengbhalang,Seng Samla Shnong,Nongkitkam shnong bad Seng longkmie bad khamtam ki para kynthei ban iamih paidbah sha katei ka jingialang, pynkut katei ka kyrwoh khubor.