Jingialang MUPSTA, WKH

Shillong,14 Risaw:
Ka seng Ki Nong hikai “Meghalaya Upper Primary School Teachers Association (MUPSTA), West Khasi Hills District kan pynlong ia ka jingia lang jong ka ha ka 16 tarik mynta u bnai ha Ri Khasi Free Morning U. P. School, New Nongstoin, West Khasi Hills District ha ka por 12 baje mynsngi. Lyngba ka kyrwoh ka seng ka la kyrpad ia baroh ki Nonghikai Upper Primary School kiba hap ha West Khasi Hills kin sngewbha ban pyllait por khnang ban wan ha katei ka sngi khlem pep ban ioh ia kren ia shibun ki kam jong ka seng kaba long na ka bynta ka jingbha jong ki Nonghikai hi baroh kawei, ka la kyrpad ruh ia ki baroh ki Secretary jong ki SMC ba kin sngewbha ban ia wan lang ryngkat ha katei ka sngi. Kito ki bym ioh shithi ruh ka kin shim beit ba kane ka long ka jingpyntip na ka bynta jong ki. Ki Nongialam na State Level ruh kin iadon lang ryngkat ha katei ka sngi.