Jingialang ki pulit bad VDP ha Mawngap

Shillong, 29 Lber:
Mynta ka sngi ki pulit ka East Khasi Hills ki la pynlong ia ka jingia-lang VDP ha Mawngap Mawkharshiing Commu-nity Hall bad ha katei ka jingialang la donlang u SP ka East Khasi Hills U Davies N R Marak kum u kongsan uba la pynpaw ka jingsngewkmen ban ia kynduh ia ki VDP ki ban peit ha ki shnong ki thaw ban lait na ki kam sniew.
Ha katei ka jingialang la wer la khot ia ki VDP baroh kiba hap hapoh Mawngap PS bad Sohiong Outpost ba kin ia khun ban pynduh jait ia ki kam sniew bad ki kam be-aiñ kum ka jingshah thok pisa da kaba kular ban ai kam ai jam bad kiwei bad la bthah ba lada ki don jingiarap na ki pulit ki dei ban pyntip mar mar sha ki Police Station jong ki bad la kyntu ruh ia ki shnong ki bym pat don VDP ba kin thaw da kaba ia treilang bad ki pulit.