Jingialang ki heh shipai India-Bangla ha Dawki

Shillong, 8 Jylliew:
Ki Inspectors General BSF bad ka Region Commanders, BGB ki la sdang ia ka jingialang kaba saw sngi jong ki naduh mynta ka sngi ka 8 tarik u jylliew bad katei ka jingialang kan kut ha ka 11 tarik u jylliew. Ia ki la ialam da u Md Lati fulHaider, ndc,psc, Additional Director General, Region Commander, North East Region, Sarail. Ki dkhot ka BGB ki kynthup ia ka Commanders of South-East Region,Sector Commanders of Mymensingh,Bandarban, Srimongal, Comilla, Khagrachari, Rangamati, Sylhet, Guimara, ki nongtrei bad ki ophisar ka BGBHQrs bad ki ba la wan mihkhmat ia ka  Ministry of Home Affairs, Joint River Commission, Land Record and Survey bad NCB of Bangladesh. Katei ka jingialang ka la long ha ICP Dawki. Ki BSF ki la pdiang sngewbha ia ki heh shipai ba la wan na Bangladesh ha ka sngi ba ki wan iuh kjat sha kane ka ri.
Kham hadien la ialam ia kitei ki heh shipai sha ka Frontier HQ BSF Umpling, Shillong ha kaba hangne ruh la pdiang sngewbha biang da ki shipai BSF ba la ialam da u ShriSudesh Kumar, IPS, Inspector General, Border Security Force, Meghalaya Frontier ryngkat ki Inspector General ka BSF na, Tripura & M&C Ftr ba la don ryngkat ki DIG Meghalaya, Mizoram &Cachar bad Tripura Frontiers kynthup ki ophisar na New Delhi, Kolkata bad ki ba la wan mihkhmat na ka MHA.
Ha katei ka jingiakynduh ba nyngkong jong ki la ia kren halor kiba bun ki mat ba iadei bad ka khappud hapdeng kitei ki ar ri, kiba long ki jingeh kiba dang sahteng.