Jingialang JACTAM, la 18 tarik, MUPSTA 17 tarik

Shillong 14, Nohprah:
Ka jingialang jong ka Joint Action Committee All Teachers Association of Meghalaya (JACATAM) kaba la buh ban long ha ka 11 tarik Nohprah, 2015 la pyn kynriah noh sha ka 18 tarik Nohprah, 2015 ha Youth Hostel, Shillong ha ka por 11 baje mynstep ban iakren ia ka kaiphod jong ka RTI Committee bad kiwei ki kam ba donkam jong ka seng.
Baroh ki nong kitkam ka JACATAM, ki dkhot ka Executive Member ban iawan khnang sha kane ka jingialang bad ban shim  ia kane kum ka jingpyntip, la ong u Publicity secretary ka JACATAM u Babu Kular Khongjirem.
Ha kawei ka liang, la pyntip ruh ba ka jingialang Executive Committee jong ka Meghalaya Upper Primary School Teachers Association (MUPSTA) kan long ha ka 17 tarik Nohprah 2015 ha jaka sah u Bah Kenneth Shadap ha Professor Colony, Shillong por 11 baje mynstep ban iakren ia ki kam ka seng. Baroh ki nongkitkam bad ki dkhot jong ka Executive Committee na ki jaka bapher bapher la kyrpad ba kin iawan khnang sha kane ka jingialang, la ong u general secretary ka MUPSTA u Bah Kenneth Shadap.