Jingialang ha 8Mer ba khang dewiong

Shillong, 1 Naitung:
Ka jingialang bah jong ki briew kiba shah ktah na ka jingkhang tih dewiong ka NGT kan long ha ka 4 tarik Naitung por 10 baje ha Phramer, ka West Jaintia Hills.
U nongkhot ia kane ka jingialang u Bah Kibor C Rymbai u la khot la wer ia baroh kiba shah ktah na ka jingkhang tih dewiong ka NGT ban iapoi khnang sha katei ka jingialang ban iakren ban thaw lad kum no ban pynlait na kane ka jingshah khang.
U la ong ba ka jingkhang tih dewiong ka la ktah jur ia ki paidbah kane ka jylla bad ka long kum ka jingknieh noh ia ka hok longtrai jong ki paidbah Khasi bad Jaintia halor ka khyndew ka shyiap.
Ka jingialang kan pynkhreh ban wad ia ki lad ki lynti ban iada ia ka hok longtrai jong ka jaitbynriew Khasi, Garo bad Jaintia, u la ong.