Shillong:Ka ophis treikam jong u District Sports Officer, East Khasi Hills, Shillong kan pynlong ia ka jingiakob “Jingkyntip bad Tyrko” ba la ai kyrteng da ka “East Khasi Hills District Level Inter School Quiz & Debate Competition 2019-2020” ha ka 11 tarik U Lber, 2020 ha U Soso Tham Auditorium, Shillong ban sdang naduh ka por 11 baje mynstep.
Ka jingthmu haba pynlong ia kum kine ki prokram ka long kum shi bynta ban ai ka rynsan ia ki samla pule kiba don ha ki skul bapher bapher ban sei madan ia ki sap ki phong jong ki. Ki nongjop kin ioh pat ka lad ban mih khmat ia ka District sha ka State Level Competition ka ban sa long shen.
Ki skul kiba kwah ban ia shim bynta ki lah ban ioh ia ki entry form na ka ophis kaba don ha JN Stadium, Polo, Shillong tang ha ki por long trei bad yn pdiang ia ka jingpynrung kyrteng tang haduh ka 6 tarik U Lber, 2020.
Haba iadei bad kane ka prokram, na ka liang ka ophis jong u DSO ka iawer khamtam ia ki skul kiba don hapoh ka East Khasi Hills District ba kin wan ban iashim bynta ha katei ka lympung.
Phi don ban ong eiei?