JINGEH KA JAIDBYNRIEW

Riki Mukhim

Katkum ba long mynta ka jaidbynriew ka don hapdeng bun ki jingeh jingshitom kiba ym lah shuh ban batai kat kumba lasakhi iaki dak ki shin ba paw shabar la ka dei naka liang ka jingkyrduhkam kyrduh jam ki khun samla, ka jingshah banbeiñ ki shnong ba don ha khappud, ka jingbymbiang u pud u Sam, ka jingbymlah ban pyntreikam daki aiñ ba don bniat kum ka ILP, bad ka jingiai jyllei ki bar jylla naka por sha ka por katba nang mih ki sngi haduh bala shah knieh wat ia u khiewja ruh naka jingwan tuid beaiñ bad khaiï beaiñ ki bar jylla ha ri Khasi Jaintia jongngi. Kane ka long kajingshah iuhroit im im peit peit iaka hok longtrai ki trai ri trai muluk bad Kumjuh ruh kalong kaba sngew sangsot iaka jingiai ud ki nongshongiew baka khaiï ka pateng ha Ri jongngi kala nanghiar arsut naka jingshah tyllep ha u mynder ri.

Haba phai pat na ki Nongmihkhmat jongngi kiba ngi ki paidbah ngi la pynkup bor iaki, ba kin Kit kin Bah iaka khia ka shon ka Ri bad ka Jaidbynriew ba ki dei ban leh noh eiei bad ban pynurlong shisyndon iaka jingiai dawa bad jingiai Angnud u Paid ka Bri Hynñiewtrep Hynñiewskum ban pyntrei kam noh mardor iaka aiñ ILP. Lym kumta kam don jingmut kito ki jingpyrta ieit Ri jongki bad ki jingkular jongki bakin kit kin Bah iaka khia ka shon u Paidbah hashwa ki Election (MLA,MDC bad MP) hynrei hadien ka Election pat Kim kynmaw shuh iakaei baki la kular namar imat ki nongmihkhmat jongngi ki long kiba klet bieit palat bad lehse ka lah ban long nakane ka daw.Haba phai pat shaki nia jongki kiba ju iai kyntu iaki Khun Samla dei ban pyrshang ban ieng hala ki Jong ki kjat hynrei haba phai pat kat pat katkum ka jinglong jingman ha Ri jongngi imat kine ki dei tang ki nia pyllait jynhaw jongki, namar Balei la ong kumta? Naba kat kum bala sakhi da u paid ba bun balang shibun ngut ki khun Samla kiba ym lah shuh ban ñiew ki don hapdeng ka jingkyrduh kam kyrduh jam. Haba ki pyrshang ban seng kam lajong ruh Kim ioh lad satia namar ka jingjyllei u bar jylla kamdei shuh kaba kai naba haba ki khun samla ka ri ki pyrshang wad iing Wai ban ioh ban seng kam lajong kum ki kynja dukan hynrei kaei kaba sngewphylla bad sngewsangsot ba Kim kham ioh iing Wai satia namar ki iing wai la dap lypa da u bar jylla. Kumjuh haba phai sha ka kam bylla nongsngi ne bylla misteri ruh ym ju kham ioh naba ki riew shimet bad ki kontraktor ki khamnoh ka mon ban ai kam bylla nongsngi bad bylla misteri iaki bar jylla.

Haba phai pat haka liang ka shynshar khadar laka dei haki bor Shnong ne ki bor District Council namar kat kum bala pynkup bor da u paidbah bakin long ki nongiada iaka khyndew ka shyiap, ka khaiï ka pateng hynrei ym ju Kham iohi satia iaki kam jongki kat kum ka kam bala bynshet haki hynrei pynban ka long kaba ilehraiñ haduh katta katta imat kila kylla long tang kum ki nonglum spah bymhok.Balei la ong kumta naba lada ymdei da kumta Balei pat ki Bar Jylla bad ki Bar ri kum ki Nong Bangla Desh ki ioh ban Bsuh khlieh dakaba suk haki Shnong bapher bapher ka Ri Khasi Jaintia bad ym tang katta, la don ruh ki bar jylla bad ki nong Bangla kiba la kylla long ki nongshongshnong bapura Ka jylla Meghalaya namar baki don la ki voter id.

Ka jingkylli hangne ka long, Mano bala pynkupbor iaki bor badei peit ban pynioh epic iakimynder ri ha Meghalaya???