Shillong: Ka jingialang bah jong ki nongtrei ha hospital ka Nazareth, Shillong hapoh ka lam ka Nazareth Hospital Workers Union kaba la long ha ka 15/12/2018 ha ryngkat ka jingiadonlang ki dkhot jong ka kynhun Thma U Rangli-Juki(TUR) ka la jied ia ki nongkitkam bathymmai na ka bynta ka samoi treikam jong u snem 2018-2021.
Ki nongkitkam thymmai jong ka Union ki long President-Kenneth Swer, Vice President-Fullgida Nongdhar, General Secretary-Silbestar Marboh, Assistant General Secretary-Virginia Dkhar, Treasurer-Dorisha Mary Iangrai bad sa 6 ngut pat ki executive member.
Shwa ban sdang ia ka jingjied ia ki nongkitkam bathymmai la pule shwa ia ka kaiphod jong ka union naduh u snem 2015-2018 da u vice president ka Union u bah Sillbestar Marboh bad la bud pat da ka jingpule ia ka kaiphod pisa na ka bynta u snem 2015-2018 da u General secretary ka Union u bah Silverstar Iangrai, la ong ka kyrwoh na u president u bah Kenneth Swer.