Ka sain pyrthei ka la hiar shi katdei ha kine ki sngi ha America, ha kaba kawei ka nongbah rit, kaba kyrteng Fair Haven, kaba don ha Vermont, ka ka la jied noh da u blang, ba un long kum u mayor jong katei ka nongbah.
Utei u blang, u dei uba kyrteng U Lincoln, ula shah jied ha katei ka elekshon kaba don 2,500ngut ki briew bad utei u blang, u dei uba don dang lai snem ka rta.
U Lincoln, ula jop da 15 vote ia kiwei pat ki kandidet, ha kaba kiwei pat kiba ialeh ki long ka khnai, ki ksew bad ki miaw ruh. Ka Fair Haven, kam don mayor satia haduh mynta.
U Joseph Gunter, uba dei U Manager jong ka Fair Haven, ula iohi ia ka nongbah Omena, Michigan, ba ka la jied ia ka miaw, kum ka khlieh jong katei ka shnong, kumta, ula rai ban pynlong ia ka elekshon, kaba ia syriem ia katei ka jingleh ka Omena, da ka jingthmu ban ioh tei ia ka madan ialehkai, jong katei ka nongbah.
U Lincoln, uba la ioh 13 vote, ula pynrem ia U Sammie, uba dei u ksew.
Utei u blang, u dei uba la long trai da uwei u nonghikai skul bad utei un ioh jinghikai, na ka bynta ban shim bynta ha ki prokam kiba kham kongsan ha katei ka shnong, katba u dang long U Mayor na ka bynta shisnem. “Ka Memorial Day parade, ka Apple Fest bad kiwei de ki prokram kiba ngi shait pynlong man la ka sngi thohdieng” ong U Gunter.
Kiba wan thep vote ha katei ka sngi, ki don tang 53 ngut, hynrei U Gunter, u shim ba kane ka jing pyrshang kan lah ban wan rah ia ka jingshim bynta kaba kham bun ha u snem u ban sa wan.
Lah ia wai artat.