Jied ka HSPDP ia U bah Ardent kum u President Rangbah

Shillong, 16 Risaw:
Ha ka General Council jong ka kaba la long mynta ka sngi ka seng HSPDP ka la pynskhem ia ki nongkitkam ba shipor jong ka kum ki nong kitkam ba pura katei ka seng kumba la jied shipor ha ka jingialang jong ka CEC kaba la long ha ka 6 tarik mynta u bnai ha ingsah u bah Ardent M Basaiawmoit.
Ha katei ka jingia lang la pynskhem ia u bah Ardent M Basaiawmoit kum u President ba pura katei ka seng u ban long ruh u President rangbah u ban peit peit katei ka seng baroh kawei.
Kiwei pat ki nong kitkam kiba la pynskhem ha katei ka sngi ki long Vice President u bah K.P Pangniang MLA ka Rambrai, General Secretary bah Witting Mawsor, MLA ka Mawshynrut, Joint Secretary u bah Nolip Lyngdoh President ka HSPDP na South West Khasi Hills District, Finance Secretary u bah Pynshongdor Lyngdoh Nongbri bad u Treasurer la jied ia u bah Shem Khardewsaw. Ha katei ka jingialang katei ka seng ka la ia kren ruh ia ka jingdonkam ban don noh u Organisisng Secretary, Media Cell bad kiwei pat ki komiti ba donkam.
Kiwei pat ki kam ba dang sah jong katei ka seng la buh teng ban rah ha kawei pat ka komiti ka ban long ha ka 22 tarik mynta u bnai ha ingsah u bah Ardent M Basaiawmoit ha Lad Nongkrem bad ha katei ka jingialang la ong ruh bal ah ban pynbna syndon ia ki kyrteng ki kyrtong ki ba ia khun ha ka elekshon MDC shiteng samoi na ki konstitwensi bapher bapher kiba dang sah thylli.