|
Shwa ka election ki jingkular babun ba ngi iohsngew bad iohi ha ki kot khubor ba ngi ki nongialam jong ki seng riewlum ngim kwah satia ban ia trei lang ryngkat bad ka BJP ne Congress. Jia aiu pat ia ki nongialam seng riewlum khasi jongngi tang shu ioh jingtyrwa ban long Chief Minister mar shiteng samoi ki kyntait war bad thet kti. Don pat u para khasi ba nep reng bad ruh ka jingioh jingjop ba khambun jong kane ka party ba dang lung ka ioh suhthied ha ri Khasi dei namar ba ngi khmieh lynti ba u para Khasi un ioh long Chief minister.Hynrei ia u kynrad bapli ruh ki kyntait war bad kim shah hi tdot ban ialam u para khasi. Ah sangsot iangi ki bapli ba ieit ba thoin ia ka seng riewlum. Nga shimet nga kyrshan seng riewlum naduh ka por jong i Bah BB Lyngdoh bad haduh mynshem snem. Te hynrei hadien ka election MLA ngam kwah shuh ban kyrshan seng riewlum shuh, leh aiu ban jied ia ka seng ka bymkwah ban ialam ia ka sorkar da ki para Khasi? Balei ngin dang jied ia kine ki seng riewlum kiba na ka bynta ka shuki ki kloi ban ngud iala ka prie? Mynta te lok khynnah samla, rangbah kynthei shynrang ngi dei beit ban jied direct ia ki Seng Dkhar la ka dei ia ka BJP ne Congress. Ha ka Khaii pateng ka khamlah hi ban die mar na uba shim direct beit na ki trai nongrep ban ia kaba die ha ki nongkhaii die pateng. Kat kum ka jingiohi jongnga te ki seng riewlum ki dei tang kum ki nongkhaii arpateng. Kumta ngi ki paid nongthep vote ruh thep beit ha kawei na kine ki seng nangne sha khmat ha ki samoi election ban dang wan. Lah i thait ia kine ki seng kiba hakaba kut ki poi trei lang hi bad ka Congress ne BJP.
Angel Mac
|
Phi don ban ong eiei?