Jia khah khah, ki jing kawang petrol bom, ha ki bynta ka nongbah

Shillong:Ki thanat pulit ki la shah hiar thma khah khah tang ha une u bnai Iaiong.
Kaba shyrkhei ka long ba wat ki thanat kiba heh ne kiba la niew kiba la biang bha kum ka Sardar Police Station, ka Mawlai Police Station ki dang shah kawang petrol bomb ha ki briew bym tip satia.

Ha ka 3 tarik Iaiong, ki runar kila kawang petrol bomb ia ka Mawlai Police Station haduh ba kawei ka kali Pulit kala ingkhong.Ha ka 24 tarik Iaiong, kawei ka kali synran jong u Director ka NEEPCO Major General Rajesh Kumar Jha, kala shah kawang petrol bomb ha ka thain Demthring. Ha ka 26 tarik Iaiong, ki riew runar kila leit kawang petrol bomb ia ka Iingsah jong u Symbud Myntri Rangbah ka Jylla Bah Sniawbhalang Dhar, ha Nongmynsong, Shillong.

Nangta, ha ka 30 tarik Iaiong, ar tylli ki kali pulit jong ka Jowai Police Reserve kila shah kawang petrol bomb haduh ban da kylla ingkhong.
Ki Pulit kim pat iohkem iano iano ruh ha baroh kine ki jingjia kawang petrol bomb. Ka jingjia kum kine, kala wanrah ia ka jingsngew syier ia ki riew paidbah.

Artylli ki Police Station ha Shillong kila shah kawang petrol bomb hynnin ka shiteng miet lem ba kynthup ia ki Police Station ki dei ka Shillong Sadar Police Station kaba don hapdeng eh jong ka Nongbah Shillong lem bad ka Rynjah Police Station.
Ka Ophis jong ka Meghalaya Government Construction Corporation (MGCC), ka la shah kawang petrol bomb.