JHADC pyrshah Doloi, thoh ka JHTOA sha U CEM

Shillong, 22 Nailar:
Ka Jaintia Hills Truck Owner Association (JHTOA) ka la thoh sha u Chief Executive Member ka JHADC halor ka jingiatyngkhuh jong ki bad ka JHADC bad kumjuh ruh bad ka hukum jong ka ingbishar. Ha katei ka jingthoh ka la pynkynmaw ia ka jingialang jong ki bad u CEM bad kumjuh ruh ki la pynkynmaw ia ka hukum jong ka Supreme Court kaba ki la ong ba ka la aibor ia ki Daloi ba kin bteng ia ka jingtreikam jong ki kumba la ju leh.
Ki la kdew ba i kumba ka Council ka sngewthuh bakla ia ka hukum jong ka Supreme Court naba ka la ong ba ba ym don ba lah ban bteng ia ka jingtreikam jong ki lada kam don ka aiñ lane haba dang shna dur ia ki kyndon aiñ, hynrei ka la ong ba kiba bun ki jingbishar kiba dang sahteng ka Supreme Court kam shym la khang ia ki ban kin bteng ia ka jingtreikam bad kawei na ki hukum ka dei ha u naitung 2009 ha ka mukotduma kaba ia tyngkhuh bad ka sorkar jylla.
Ha ka 29 tarik u naitung mynta u snem ki la ong ba ka Supreme Court ka la pynmih hukum ba ka aiñ Council (nohprah 2015) ka pyni ba ka iaid ryngkat ryngkat bad ka 6th Schedule kaba la batai shai ia ka bor jong ki Daloi, ki la buh jingkyrpad ha ka Council ba kan weng noh ia katei ka jingeh bad ban pynkut noh ia katei ka jingiatyngkhuh hapdeng ka Council bad ki Daloi.