“Jemino, wat tuklar ia ka kam jong ka Congress”

Shillong, 22 Nailur:
Ka Meghalaya Pradesh Congress Committe haba pynrem jur ia ki jingkren u Dr.Jemino Mawthoh u MLA ka UDP, ka la ong ruh ba kam dei ka kam jong ka UDP ban tuklar ia ka kam shi ing shi sem jong ka seng Congress. Ka MPCC ka la kyntu ba u Dr.Jemino um dei ban pynleit jingmut than ia kam shiing ka Congress.
Ka Congress ka la kynthoh ia u MLA ka UDP hadien ba u la pynmih ia ski jingkren kiba u la pynpaw ba u Dr.Mukul Sangma u dei ban hiar shuki na ka kam Myntri Rangbah. Kane ka seng kaba ialam ia ka sorkar ka la pynpaw ba ka dei ka seng kaba ia tylli bad kaba shaniah tylli hapoh ki jingpyniaid u Dr.Mukul Sangma kum u Myntri Rangbah ka jylla.
Shuh shuh ka MPCC ka la pyntip ba ha kaba ia dei bad ka jingwan rung kyrthep ki mynder ha kane ka jylla na ka liang ka seng Congress kam shym la sngap bad shong kli kti hynrei haduh mynta mynne ruh ka dang thaw ia ki lad ki lynti ban teh lakam ia katei ka jingwanrung kyrthep ki bar jylla. Ka la kular bad pynthikna ruh ha ki paidbah ka jylla ba ka seng kan pyndonkam da ki lynti kiba biang ban teh lakam ia kane ka jingwan tuid kyrthep ki mynder.