New Delhi: U Narendra Modi, myntri rangbahduh ka Ri, mynta ka sngi, ula jaw ummat brup, haba kren halor kito kiba duh ei, ia la ka jingim, na ka daw jong kane ka khlam covid. U Modi, ula ong “Kane ka khlam, ka la shim noh ia shibun ki mynsiem briew, kiba don ka jing iadei kaba jan bad ngi. Nga phah ia ka jingsngew lem sha kiba ha iing jong kito kiba khlad”.
Wat la, ki la don shibun ki lad kiba la shim ban iada, hynrei ka bor jong ka khlam, ka la jubor bah bad ki don bun bah ki mynsiem briew, kiba la duh, ong U Modi, ha ka sur kaba diaw bad lang ummat.
“Phi lah trei shitom ban iada, ia ka jing pur kane ka khlam, hynrei kam dei ban don ka jing shongthait, namar ba kan dei ka jing ialeh kaba slem bha” ong U Modi, ha ki doktor bad ki nongtrei kiba sumar ia kiba pang corona ha Varanasi.
U myntri rangbahduh, ula pynmih ruh mynta ia ka mat jingiakren kaba thymmai, ha kaba u ong “Jahan bimar, wahin upchar lane kaba mut, ba dei ban sumar ia kiba pang ha ki iing ki sem jongki” bad u ong ba kane kan iarap shibun ban pynduna ia ka jingkhia jong ka kam, na ka daw jong ka jingtrei jubor jong kane ka sien kaba ar jong kane ka khlam.
Ki khlieh Jong ki ri ki lah ban don jingtip ia kaei kaba don Sha lyndet Jong ka jingpang covid 19