Jaw ummat ki briew kiba iohsngew, ia ki jingrwai niam u pulit ha Ri Bhoi

Nongpoh: Mynta ka sngi Blei ki Pulit ka Ri Bhoi, ki la leit ban rwai ia ki jingrwai niam, kiba iasyriem kum ki jingrwai shem mynsiem, kiba long ruh kum ki jingrwai ban ai mynsiem ia kito kiba sah ha ki Isolation Centre bad ruh ha kito ki jaka ba don ki briew kiba peit ba khmih ia ki briew ba rung bad ba mih ha ka jylla Meghalaya.

Katei ka jingleit ban ai mynsiem da ki jingrwai sha kitei ki briew, ki Pulit ka Ri Bhoi, ki la sdang na SIRD kaba don ha Umiam, nangta ha Bethany Hospital, sha ka Isolation Centre kaba don ha CTI bad kumjuh ruh sha ka jaka kaba talasi ia ka rung ka mih kaba don ha 12Mer ha Ri Bhoi.
Lyngba katei ka jingleit ai sur jingrwai ki Pulit ka Ri Bhoi, la iohi ba ki la don shibun ki paidbah kiba la lung mynsiem bad don ruh na ki kiba la jaw ummat, namar katei ka jingleit ai mynsiem ki pulit lyngba ki jingrwai, ki dei beit tang da ki jingrwai niam bad ki jingrwai shem mynsiem.
Haba leit ban aimynsiem da ki jingrwai sha kitei ki jaka bapher bapher ha Ri Bhoi, la iohi ba la jan baroh ki heh Pulit bad ruh ki Pulit Langrut ha Ri Bhoi, ki la iashimbynta lang ban bad kiba la iashimbynta ban ai ia ki jingrwai niam bad rwai shem mynsiem, kiba la pynpaw ia ka jingiaroh i’u Blei.