Shillong 10 Lber: Hadien ka jingmih ka pisa na ka jingpynlong ia ka penalty shootout ha kine ki taiew ba ladep, na ka liang ka kynhun Shillong Artist bad ka GMK Production ha ka sngi nyngkong ka 10 tarik Lber 2025, ka la leit ban ai jingiarap sha ki katto kattne ki longiing ki ba duna ha ka ioh ka kot hapoh ka shnong Nongrah.
Ia kane ka jingleit sam jingiarap la ialam khmat da u samla Micheal pyngrope ryngkat bad ki katto kattne ki paralok ba iadonbyntalang.
U samla Micheal pyngrope haba kren ha kane ka sngi u la ong, ba kane kadei ka ba nyngkong eh ba na ka liang ka Shillong Artist kan noh jingiarap sha ki longiing ki ba duna ha ka ioh kakot bad ka jingioh lad ban noh jingiarap sha kitei ki longiing kadei lyngba ka jingmih katto kattne ka pisa na ka jingpynlong ia ka penalty shootout.
U la ong, ba hooid kim don ia ka pisa ka ba bun ban noh jingiarap hynreika kynhun ka la pynkhreh khyndiat na ka bynta ki longiing ki ba don ha shnong Nongrah ban ai jingiarap.
U samla Micheal ula pynpaw ruh, ba kane kadei ka sien ka ba nyngkong eh ba na ka liang ka Shillong Artist ban leit noh jingiarap bad ka jingthmu hi kalong, ban iarap khamtam ia ki ba duna shisha ha ka ioh kakot. Ngim lah ban iarap shibun, hynrei katba ki ioh khyndiat khynsoit, na ka liang ka kynhun ngin noh la jingiarap.
La iohi ba katba na ka liang ka Shillong Artist ka leit ban noh jingiarap, iwei i longkmie i la jaw ki ummat mar shu iohsngew ba kin wan ai jingiarap da ka pisa ia i, ha kaba i la ai la jingkhublei ia ka Shillong Artist ba kin dangleh bha shuh shuh ia ki briew ba duna ha kaioh kakot.
Phi don ban ong eiei?