Jari 144 CrPC ha Rani, na ki trok kit maw Meghalaya

Guwahati,5 Nailar:
Ka jingtuid jong ki trok kit maw na Megha laya sha Assam khamtam ha ki thain jong ka West Guwahati ka la pynlong ia ki bor pyniaid District ka Kamrup ban pynjari da ka Section 144 CrPC ha ki thain ka Rani jong ka West Guwahati, ka jaka ba ki nongkhaii maw ki ju pynlong ka kad bah na ka bynta ban pyniaid iew ia ki maw jong kin a Meghalaya. Ki bor pyniaid district mynha ka sngi saitjain ki la pynbna ban ym shah iaid ki trok Dumper ha ki thain ka Rani naduh ka por 7 baje mynmiet haduh ka por 7 baje mynstep.
“Ki maw bad kiwei pat ki tiar la pyniaid iew be-ain na Meghalaya lyngba ki thain ka Rani , West Guwahati bad ki ju leh ia katei ka kam ha ka por mynmiet. Ki nongkhaii kim ju pyniaid mynsngi namar ki tieng ioh ki shah bat ha ki pulit” ong u Manik Sarma, additional DC ka Kamrup. U la ong ruh ba ka Distrika la thaw da ka kynhun ban peit pyrman iaka jingiaid katei ka kam khaii khamtam ha kip or mynmiet.
Ka Sangrami Krishak-Sramik Sangha, kawei na ki sengbhalang ka la ong ba kumba 200 tylli ki trok Dumper kiba kit maw ki wan na Meghalaya manla ka sngi, bad katkum ka jingiathuh ki pulit kumba 10 ngut eiei ki briew ki la shah tynrah ha kitei ki trrok kiba pynher sted hapoh kine ki san snem.
Ka thymmei khubor na ki bahalor , ka la iathuh ba ka thain jong ka Rani la pyndonkam da ki nongkhaii kum ka ktem khaii maw jong ki bad kumjuh ruh kiwei pat ki tiar na ka bynta ki jingtei ha West Guwahati, kawei na ki khap sor ba kiew stet bha.