Shillong: Ka East Bengal FC ka la pynbam jem ia ka Shillong Lajong da 5-0 ha ka jingiakhun ka Hero I-League kaba long myn hynnin ka sngi ha Salt Lake Stadium ha Kolkata.
Ka East Bengal FC ka la pynshad kai ia ki nongialehkai ka Lajong naduh ba sdang ha kaba ka la thep ia ka kol ba nyngkong ha ka 8 minit lyngba u Laldanmawia Ralte, uba thep ruh lai kol da kaba pynbud sa ha ka 27 minit bad ha ka 61 minit. Ar tylli ki kol la thep da u Jobby Justin ha ka 28 minit bad kawei la thep da u Enrique Esqueda ha ka 45 minit.
Ka Lajong kam lah ban leh eiei bad ka la hap ban wan phai thylli na madan na kane ka jingialehkai.
Ka jingialehkai ka long kaba jwat bad kaba eh ia ka Shillong Lajong ban iakhun pyrshah ia kane ka radbah na Kolkata. U Coach ka Lajong u bah Alison watla u la bujli nongialehkai hynrei kam lah ban leh eiei ne ban pynkhih ia ki kynroh dien jong ka East Bengal.
Ka East Bengal kaba khur ia ka jingjop ka la kamai 31 point haduh mynta.
Mynta ka Shillong Lajong kan iakhun ia ka Chennai City FC ha ka 18 tarik Rymphang ha ka por 5pm ha Shillong
Phi don ban ong eiei?