Jan poi T 8 klur, na ka jingnoh synniang ki paidbah ha ka MCMRF

Shillong: Ka jingnoh synniang jong ki paidbah na ka bynta ka Meghalaya Chief Minister Relief Fund ka la jan kot sha ka T8 klur, la iathuh da u symbud myntri rang bah ka jylla u bah Prestone Tyngsong.

Na ka liang bah Prestone, u la ai khublei ia ki nongshong shnong ka jylla ba pher ba pher ki ba la noh synniang na ka bynta ka MCMRF khamtam ha kum kine ki por kiba ka Ri baroh kawei ka mad ia ka jingeh ka ba khraw ha ka ba iadei bad ka jing ialeh pyrshah bad u khniang jingpang Covid-19.

U la ong ruh ba ka jingnoh synniang jong ki paidbah ha ka MCMRF ka long ka jingia snohkti lang jong ki paidbah ha kane ka por ba ka Ri ka mad ia ki jingeh.