Jan kot ka phlim Kabir Singh, sha ka jingioh kamai ba T.100klur

Ka phlim Kabir Singh, ba la ak da u Shahid Kapoor, ka kamai bha ha kine ki sngi, ha kaba ka kamai jongka, ka la poi sha palat T.70.83klur tang ha ki lai sngi, ba la pynmih iew ia katei ka phlim. Katei ka phlim, ka dei kaba heh kamai tam, na baroh ki phlim jong U Shahid Kapoor.
Kum ka dak jong ka jingsngew kmen, halor ka jingjop jong katei ka phlim, U Shahid, u pyni ia ka jing ia shondur lang jongu bad ka Kiara Advani, kaba ia ak lang ha katei ka phlim bad nangta sa U Sandeep Reddy Vanga, uba dei u nongthaw jong katei ka phlim.
Katei ka phlim, ka dei kaba la pyni naduh ka 21tarik mynta u bnai bad kat haduh mynta ka sngi, la ioh jingkhein, ba ka jing ioh kamai jongka, ka la jan kot sha ka T.100klur antad.