U Pilot jong ka Rajasthan, ha ki khyndiat sngi ba ladep, ula jan jah lynti, hynrei mynta ula rai ban wan phai biang sha ka kad jongu, ka seng Congress.
Mynta ka sngi, U Sachin Pilot, u nongialam ka seng Congress, ula ia kynduh ia U Rahul Gandhi, ka Priyanka Gandhi Vadra ha New Delhi bad la sngewthuh ba ka jingialang, ka long kaba iabeit bad iahap jingmut na baroh arliang mamla.
U KC Venugopal, u nongialam jong ka seng Congress, u iathuh ba ka AICC, kan thaw ia ka komiti kaba lai ngut, ban iakren ia pynbeit halor ki mat, kiba la buh da U Sachin Pilot lem bad kiwei de ki MLA jong katei ka seng, kiba don ha Rajasthan.
Lah ban pynkynmaw ba ha ki khyndiat sngi, U Pilot, ula shah weng na ka shuki myntri rangbah ba ar bad kum u nongialam ka seng Congress, hadien ba ula rai ban ialeh pyrshah ia ka sorkar Congress, kaba la ialam da U Ashoke Gehlot ha Rajasthan.
Phi don ban ong eiei?