Jan dkut u nar ilektrik, ong ka KSU Sonapyrdi

Shillong, 23 Risaw:
Ka KSU Sona pyrdi Unit hadien ba ka la ioh ia ka jingujor na ki paidbah ba u don uwei u post light uba don jingma bad uba la kem sarang ha katei ka shnong, ka la leit ba jurip bad ha ka jing jurip ka la lap shisha ka uwei u nar ilektrik, u la bam sarang bad mar shiteng u la ang rynheng. Ka KSU ka la ong ba ki paidbah ki iathuh ba ki shong ki sah da ka jing syier mynsiem khamtam ha ka por lyiur ba ther u slap bad ka lyer. Ki la iathuh ruh ba ki la dep ujor sha u rangbah shnong bad sha u SDO MeECL Khliehriat ban pynkynriah ia une post,ha kaba na ka liang une u ophisar(SDO) u la kular ban leit jurip ha shwa ban kynriah.Hynrei haduh mynta ym shym la pynkynriah ia une u post,ym tip na kaei ka daw. Shuh shuh ka seng ka pynpaw ba kumno ka tnat MeECL ka pyniaid ia kat u sainar 11kv jong ka lain Umkiang na tnum ing briew,kane ka jingleh ka MeECL ka long ban pyniap briew.Ka seng ka kyntu jur ia ka tnat pynmih bording ban pynkynriah kloi ia une u post khnang ban ym jia kano kano ka jingma ia kine ki paidbah hadien habud, ong ka kyrwoh na u Samla TL Gympad,President KSU Sonapyrdi Unit.