Shillong: Hadien ba la kamai palat spah ron myn shisngi, u Rohit Shah u la tied palat spah biang mynhynnin ka sngi kaba la pynlong ia ka Meghalaya ban kamai 405 pyrshah ia ka Sikkim ha ka sngi baar jong ka lumpung U-23 Col CK Nayudu Trophy ka plate group ha madan Anantapur, Andhra Pradesh.
U Rohit Shah, uba la bteng ban tied na kaba hynnin, u la tied mynta ka sngi sa 132, u la tied sa 68 ron mynta ka sngi, kaba duna sa tangh 10 ron ban dap pura 200 ron.
U Rohit Shah u la tied 15 tylli ki saw nalor ka jingiakyrshan lang bad u Akash Kumar uba tied 74.
Ha ka jingiakhun jong ka U-16 Vijay Merchant Trophy, ka Meghalaya ka la shah pynliem da 474 ron ha ka Maharashtra ha madan ialehkai ha Kadapa, Andhra Pradesh.
Da kaba bteng na kaba kamai 27/2, ka Meghalaya ka la beh ia ka Maharashtra kaba kamai 623/4.
Kane ka jingialehkai ka la buh jingeh ia ka Meghalaya hynrei ym pat lah ban shu kren jem namar ba ka jingialekai ka dang don.