Jan 12 kynta ka shimpor ia ki kali khwai ban sei ia ka Trok kaba hap ha riat Shangbangla

Nongpoh: Ka la shimpor jan kumba 12 kynta eiei ia ki 5 tylli ki kali Khwai, ba kin tan ia kawei ka trok kaba don ia u number WB-25-E-5691, kaba ka la leit ban thung baji hapoh kawei ka riat ha surokbah NH-6 ha khlaw Umling.

Katei ka Trok ka la kylla mynha ka miet Sngi Thohdieng, ha kaba u nongbud jong katei ka Trok u la khlad noh bad u nongniah u don hapdeng ka jingmynsaw kaba jur, ha kaba hynnin ka sngi U Blei, la iohi ba ki la don haduh 5 tylli ki kali Khaw, ba kin tan ia katei ka Trok kaba la hap hapoh katei ka riat.

Wat la ki la don haduh 5 tylli ki kali khwai, kiba la leit ban tan ia katei ka trok, hynrei la ioh jingtip, ba ka la shimpor jan kumba 12 kynta, namar kitei ki kali Khwai, ki la sdang tan naduh ka por 3 baje eiei janmiet bad ki la lah ban tan ia katei ka trok haduh ka por 2 baje eiei mynta ka step sngi Nyngkong.