Jah u samla na ka shnong Umniuh Khwan Ri Bhoi

Nongpoh: Kiba ha iing jong u Samla Badskhem Syiemlieh, u samla na ka shnong Umniuh Khwan bad uba la jah rngai naduh ka 17 tarik mynta u Bnai, ki la kyrpad ia ki paidbah ba lada ki iohi ba kin sngewbha ban pyntip sha ki Pulit lane phun ha ki number ba ha iing 98622 30391/7085085717/9862161298/9862148088.

U samla Badskhem Syiemlieh, u dei u khun jong ka Kong Berilda Syiemlieh bad uba la jah rngai naduh katei ka 17 tarik, khlem da wanphai iing satia tad haduh kine ki sngi.
Utei u samla u la jah rngai naduh katei ka sngi ryngkat ba ka riam ka beit ba u phong, kata ia ka sopti poh ronglieh, ka jaket jean rongblu, patlun jean rong blue bad ka jingjrong jong u ka long saw phut lane hapoh san phut bad uba shai ka sniehdoh.