Nongpoh: Uwei u samla uba la tip kyrteng kum u Jonas Lapang ba dang 21 snem ka rta na ka Pahamlapong ha Ri Bhoi, u la jah rngai na la ing naduh ka 9 tarik mynta u Bnai bad khlem da wan phai iing shuh haduh mynta mynne.
Utei u samla u dei u khun jong u Bah Aibus Wanshong bad kong Lulu Lapang kiba shong ba sah ha Pahamlapong, ha kaba katkum ka jingiathuh jongki la ong ba utei u samla u la mih na iing ha ka step jong ka 9 tarik ban leit bylla ryngkat bad uwei u Nepali uba la tip kyrteng kum Prakash, hynrei kaba kat haduh mynta um shem la wanphai bad khlem da tip shaei u don.
Kumta na ka liang ki bahaing hadien ba ki la dep ban ujor da ka ejahar ha Nongpoh Police Station, ki la kyrpad ruh ia kiba iohi lane kiba tip ba un don haei ba ki dei ban pyntip sha ki thanad kiba don marjan.