Jah rngai uwei, lait thaw u rangbah bad ka longkmie, ba kylla ka lieng ha Umiam

Shillong: Mynhynnin ka janmiet ha ka por 3 baje ei ei janmiet, ka la don kawei ka jingjia kylla lieng ha pung Umiam ha Ri Bhoi, ha kaba kawei ka kynhun ki nongkhwai kiba la thmu ban leit khwai sha kawei na ki jaka jong ka wah Umiam kaba don ha ki thain UCC kaba don ha Mawlyndep, ki la iakynduh ia ka jingjia kaba sngewsih, namar ba ka lieng kaba ki shong ka la kylla hapdeng jong katei ka pung.
Napdeng jong kitei ki lai ngut, arngut kiba la lait thaw da ka said na ka jingngam jyllop ki kynthup ia u Bah u Rinaldo Syiem 29 snem ka rta bad kawei ka longkmie kaba la tip kyrteng kum ka Tiewly Warjri 30 snem, hynrei uwei pat u rangbah uba la tip kum u Bahdeng na ka shnong Mawkriah, la suba ba u la ngam jyllop hapoh jong katei ka wah bad kat haduh mynta ym pat lap satia ia u.
Katkum ka jingtip na ki Pulit, la ong ba kitei ki briew kiba thmu ban leit khwai sha ka jaka kaba kham jngai, ha kaba ki la hap ban pyndonkam da ka lieng ban leit sha kata ka jaka kaba ki thmu khwai dohkha.
La iathuh ruh ba kitei ki lai ngut, ki la shu shim kumto khlem da pyntip ia u trai jong kata ka lieng, ha kaba la suba ruh ba kim da lah bha ban kieng ia katei ka lieng bad kaba la pynlong syndon ia katei ka lieng ba kan kylla hapoh jong katei ka wah.
Donbok ha ka por ba katei ka por ba katei ka lieng ka la kylla, la don ki katto katne ngut ki samla shynrang, kiba la iohi bad kiba la leit ruh ban leit aijingiarap ia kitei ki nongkhwai, ha kaba ki la lah ban iarap tang ia u Bah Rinaldo Syiem bad ia ka Kong Tiewly Warjri, hynrei ia utei uwei pat u rangbah uba la tip kum u Bahdeng, ym shem la lah shuh ban iarap, ia kaba la suba ruh ba u la ngam jyllop hapoh jong katei ka wan.
Haba iadei bafd katei ka jingjia, ki ki Pulit ngam um ka Ri Bhoi kim lah shuh ban leit hynne hi ka janmiet, namarba katei ka jingjia ka la jia ha ka por janmiet bad ka bneng ka la kem dum haduh ban da poi ki Pulit ngam um, kumta lashai dangstep ki Pulit ngam um kin sa leit sha katei ka jaka ban leit wad ia ka met jong u Bahdeng, uba la suba ba u la ngam jyllop hapoh jong katei ka wah.