Jah rngai u nongleh majik, katba u dang ngam bad ka ruhnar sha thwei ka wah Ganga

U nongleh majik, uba la ngam ialade hapoh ka wah Ganga, ha ryngkat bad ka ruh nar, ula jah rngai ha katei ka wah, ong ka khubor.

U Chanchal Lahiri, u dei uba la tip kum U ‘Jadugar Mandrake’ (Wizard Mandrake), ula ngam shapoh um, ha ryngkat bad ka jar nar, ha ka jing sakhi lang jong kiba ha iing ha sem, ki kotkhubor bad ki pulit ruh kumjuh.

Ha shwa ba un ngam shapoh um, ula ong “Lada nga lah ban pyllait im ialade, kan dei ka majik, lada ngam lah, kan dei ka jingiap”.

Hynrei U Lahiri, uba 40snem ka rta, ula bakla imat shapoh um bad ka jingwad ka dang iai bteng haduh mynta.

U Lahiri, u kam ba 21 snem mynshwa, ula mih na katei ka wah, da katei hi ka rukom leh jadu bad ula lait im.

‘Nga don hapoh jong ka iit kaba la pyndait skhem bha bad nangta ba la teh bad ki kynjri nar ruh bad la pynhap ianga hapoh ka wah Howrah, hynrei nga la mih pat hapoh 29 sekhon” ong U Lahiri. Hynrei, u kam ba kan long kaba eh ba un pyllait im ialade mynta ka kynti.

Ha u snem 2013, haba U Lahiri, ula leit sha katei ka wah, ula shah shoh ha ki nongpeit kai, namar ba la iohi, ba u plie bad mih na kawei ka jingkhang, ha kaba la iohi shynna bha na ryngkew. U Lahiri, u kam ba ka por ba un pyllait im ialade, ka dei haba u don 30 phut shapoh um.