Jah rngai ki samla lud na ka thaiñ Marbisu, kyrpad ban pyntip

Shillong:Ar ngut ki samla kiba kynthup ïa kawei ka kynthei kaba dang 18 snem ka rta bad uwei u shynrang uba la don 20 snem ka rta, ki la jah na ka ïing ka jong ki naduh ka 20 tarik mynta u bnai.

Ïa kitei ki arngut la ïohi khatduh ha ka por 5 baje janmiet, ha ka jaka sah ka jong ki kaba don ha shnong Marbisu hajan Maw phlang.
Haduh mynta, ym shim la ïoh jingtip ïa ka leit ka wan ka jong ki, hynrei ki bahaïing ba hasem jong kitei ki arngut ki la shimkhia da kaba leit ban ujor sha ki pulit Mawngap Police Station.

Kiba ha ïing ba hasem jong kitei ki ar ngut ki samla kila leit ruh ban wad ha kylleng ki jaka ïa kitei ki arngut bad kila leit ruh ban pan jingïarap na ki paidbah halor kane ka jingjah rngai.
Ki la kyntu ruh ba lada don kino kino kiba ïohi ba kin mih shakhmat ban ai ïa ki jingtip ban lah ban lap ïa kitei bad kino kino kiba don ïa ki jingtip ki lah ban phone sha ki bahaïing ba hasem ha kine ki nombar 8837472633 lane 6909673390.