Jah rngai ka samla rit na ing

Shillong,8 Jylliew:
Kawei ka khynnah kaba la tip kyrteng kum ka Cicilia Pariong, 14 snem karta kaba dang pule klas IX ha St.Joseph HSS Nongkasen ha ka shnong Mawroh Mawiang, West Khasi Hills ka la jah rngai na la ing naduh ka miet 2 tarik u jylliew. Katkum ka jingiathuh kiba ha ing la ong ba katei ka khynnah ka la jah na la iig ha ka por 8 baje mynmiet bad ha katei ka por ka dang shong khreh kot ha ing ka hynmen jong ka kaba jngai tang kumba 30 mitar eiei na ingsah jong ka. Katei ka khynnah ka la mih ban leit shabar ha ka por 8 baje mynmiet, hynrei ka la jah khlem wan phai ing shuh.
Dei ha ka por 9:30 mynmiet ba ki bahaing ki la kyndit thred haba kam wan phai ing shuh bad ha katei ka por ki la sdang ban wad ia ka.
Ha katei ka jingjia la suba jur ba katei ka khynnah ka la shah rahbor namar ba hakhmat katei ka ing ka don ka surok bah bad la iohi ba ka ieng kawei ka kali Dumper bad la suba jur ba katei ka khynnah ka la shah rahbor ha ki briew kiba don hapoh katei ka kali.
Katkum ka jingiathuh jong ki ba ha iing la ong ba katei ka khynnah ka dei kaba don akor bad kaba don burom bad kam ju thok ne shukor ia ki kmie ki kpa jong ka, bad kim kiba ha iing kim ngeit ba ka la phet hi, hynrei ki la suba jur ba ka dei ka kam rahbor. Ha ka por ba katei ka khynnah ka jah na la ing ka phong da ka sopti jersey rong jyrngam ba thoh ruh ia ka kyrteng ka St.Joseph HSS School, ka skirt bad ka slipar. La kyrpad ia kiba iohi ia kane ka khynnah ba kin pyntip sha u nombar 9856616530, 9856501175, 985669740, 8014079965.
Kham hadien u nongthohkhubor na Shillong u la pyrshang ban wad jingtip na u kpa jong katei ka khynnah, u la iathuh ba katei ka khynnah ka la phone ia u bad u la ong ba u la khroh la kjor ia kaba kan wan phai noh sha ing. Katkum ka jingiathuh u kpa la sngewthuh ba ka la leit bud ia u baieid jong ka.