Hap ka liengsuin, ka Indonesia ha duriaw lem bad 62 ngut ki briew

Ka liengsuin jong ka Indonesia, kaba don 62 ngut ki briew, ka la hap ha ka duriaw bah Java, hadien ba ka hap na ka jingjrong kaba shiphew hajar phut, mynta ka janmiet. Ki don 56 ngut ki nongleit jingleit bad sa 6 ngut ki nongniah bad ki nongbud jong ka liengsuin.

La lap ia ki tiar ki tar jong katei ka liengsuin, kiba la pra lyngkhot lyngkha, kiba per halor ka duriaw bah Java jongka Indonesia.

Katei ka dei ka liengsuin, kaba leit na Jakarta sha Pontianak. Katei ka dei ka liengsuin Sriwijaya Air SJ-182 bad ka dei ka Boeing 737-500, kaba don ia ka number PK-CLC (MSN 27323).

Katei ka liengsuin, ka dei ban iaid 90 minit na Jakarta sha Pontianak, kaba dei ka nongbah jong ka dewlynnong Borneo. Katei ka liengsuin, ka jah rngai, tang hadien saw minit, ba ka mih na ka kad liengsuin, Soekarno-Hatta International Airport ha Jakarta.