Jah rngai ka Helicopter Pawan Hans & 3ngut ha Arunachal

Guwahati, 4 Nailar:
Ka helicopter jong ka Pawan Hans, kaba la jah rngai mynta ka sngi, ha ka por 11baje mynstep, la iohi, ba ka don ha kawei ka khlaw ha Arunachal Pradesh bad ki nongiarap, ki dang leit sha katei ka jaka bad ban sei ia kiba don ha katei ka helicopter. La iathuh ba ki don 3ngut ki briew, kiba don ha katei ka helicopter bad kitei ki kynthup ia uwei u ophisar heh, U Kamlesh Joshi bad arngu ki nong niah. La iohi ia ka helicopter, ha ki khlaw ba rben jong ka Tirap District, ong ka khubor.
Kham mynshwa, ha u snem 2011, katei hi kajuh ka helicopter, kaba kit ia u myntri rangbah, U Dorjee Khandu lem bad saw ngut kiwei pat, haba ka leit hap ha kawei ka khlaw kaba rben ha katei ka Jylla. Hadien kata, ka la don sa kawei pat ka jingjia ha Tawang, ha kaba 16ngut ki briew, ki la iap ei. Hadien jong katei ka jingjia, la khang noh ia ka jingpyniaid ia ka Pawan Hans, haduh u snem 2013, ha kaba ka Pawan Hans, ka sdang biang ban iaid kamai ha katei ka Jylla ha Arunachal Pradesh.
Khyndiat sngi mynshwa, ha ka 15tarik Naitung 2015, kawei pat ka helicopter jong ka Pawan Hans, kaba don bad 19ngut ki briew, ka leit hiar khyndew ha kawei ka surok iaid kali ha kawei ka shnong hajan Gorhpur, ha Sonitpur District, kaba don shatei jong ka Assam bad katei ruh, ka dei hi kaba wan Arunachal Pradesh bad la iathuh ba ka jingleit hiar khyndew jongka, ka dei na ka jingsniew jong ka mariang, hadien ba ka kiew suin na ka ka kad jongka, ha .Naharlagun jong ka Itanagar.