Jah rngai 150ngut ki nongtrei bor ding, ba kylla um u thah ha Uttarakhand

Ka jing kylla um u thah, ha Joshimath, kaba don ha Chamoli district jong ka Uttarakhand, ka la pynshlei mam ia ka wah Dhauli Ganga bad ka la mih ka jing julor kaba jur bha ha katei ka thain.

Ki don mynta 150 ngut ki nongtrei bor ding ha Tapovan-Reni, kiba la jah rngai noh bad ha kaba la antad, ba ki la iap na ka jing kylla um jong u thah, ong ka khubor jong ka Indo Tibetan Border Police.

Haduh mynta, la ioh ban sei ia lai tylli ki met iap bad la iathuh ba ka jingtei bor ding ruh, ka la shah rong lut khait, ha katei ka jingtuid ba jubor jong ka um thah. Ki jingtei jong ka tnat bor ding, ki iing ki sem, ki la shah tap, ha ka jingshlei um, ong ka khubor.