Jah ki slip shong kali bos saw, shano ki hukum ka sorkar

Shillong, 23 Nailar:
Katba nang mih ki sngi ki kondoktor bos saw, ikumba ki la nang leh klet bad shim kabu na ki paidbah nongshong kali hadien ba kim ju sam shuh ia ki slip shong kali kum ba ki ju leh smat myn shwa.
Hynrei mynta pat bun na ki kondoktor bos ki la sdang leh klet bad kimju patiaw shuh ban ai ki slip shong kali ia ki paidbah bad ki lapyniaid hi khlem bud shuh ia ka jingbthah jong ka sorkar.
Ia kane ka jingshim kabu ki kondoktor bos, ym tang ba ki paibah ki udia ka rukom khrong bai kali, hynrei u nongthoh khubor ruh u la lap bad sakhi hi hadien ba u la shong ia ka bos saw ba don ia u nomborMLO1-6628 bad la lap ba kine ki kondoktor bos ki leh kumba la kren lakhana ki paidbah.
Ym tang katta kine ki kondoktor bos haba ki khrong pisa bai bos kim jushim katkum ka dor ba la buh bad kim ju ai ia ki slip ka dor bai bos,hynrei ki ai ia ka slip kaba khlem don wat tang ka tarik.Bun na ki la shu buh hi ia ka dor bai shong kali ha kaba ka dor baishong kali rit sorkar ka la ia ryngkat kumjuh bad ka dor bai shong bos saw. Kum ka nuksa ka dor bos na Polo sha Iewduh ki bos saw ki shim T.10 bad ki kali rit ruh ki shim kajuh ka dor.
Bad kane ka jingleh ka jong ki ka la buh jingkylli mynta kaei kajingiapher ban shong kali rit bad ki bos saw haba ka juh ka dor kishim. Katkum ka jingong ka sorkar, ki kondoktor bos ki dei ban ai beit iaki slip haba shong bos bad lada kim ai slip kin shah pynshitom. Hynrei imat kane ka hukum ka sorkar ka la nang jah nang jah katba nang mih sngi bad kan sa poi por ba ki jingshong bos kan long katba oh kikondoktor bos bad ki paidbah kin hap sei  beit.
Kham mynshwa, ka BJYM ka la dawa ba ka sorkar ka dei ban pynhiar iaka dor shong bos namar ba ka dor  umphniang kali bad ka diesel ka lahiar dor.
“Ka jinghiar dor ka umphnaing kali kadei ka jingmyntoiia ki paidbah bad ka sorkar kadei ban pynhiar noh mardor ia ka baikali”, la ong ka BJYM.
Kham mynshwa ka seng FKJGP ka la pynher shithi sha kamyntri sor kong Ampareen Lyngdoh ba ka dei ban pynneh ia ka bai shongbos kaba rim hynrei naduh mynta ka sorkar ka dang pyntreikam da ka dorthymmai. Kham mynshwa ka myntri kam pynroi sor, ka Kong Ampareen Lyngdoh ha kajingialang kaba long ha ka 26 tarik Nailar ka la shim ia ka rai banbuh dor T.5 hapoh ka jingjngai kaba 8 kilometre.  Ngi la rai ban buhT. 5 ha man ka 8 kilometer ka jingjngai. Kane ka rai jong ka sorkar ka long hadien ba kipaidbah ki la ud ia ka jingbuh dor thymmai ka sorkar namar ba tang shukiew kali, hap sei T. 10 tyng ka. Katkum ka jingiathuh ka Kong Ampareen, ka dor thymmaikan sa treikam noh shen mar ia pynmih ka sorkar ia ka jingpynbnapaidbah ha kine ki sngi ban wan hynrei haduh mynta ka sorkar kam patshym pynmih eiei ia ka jingpynbna ba la pynhiar biang ia ka dor bai kali.