Jah ka ‘Miej Iarap Nongiew’  U Bah Ardent ha KHADC

Shillong, 3 Naitung: 
Ka Help Desk ne ka Miej Iarap Nongiew’ ka KHADC ba la buh ha ka por ba long CEM u Bah Ardent M Basaiawmoit ka la jah noh mar ia hap shuki u Bah Basaiawmoit.
Ha ka por u Bah Ardent, la plie ia kane ka Miej Iarap paidbah kham tam ia ki nongiew ba shong ha Iewduh ba kin leit ban ujor sha ka KHA DC lada ki lap ne shem ia kano kano ka jingeh ha Iewduh.
“Ka Miej Iarap paidbah ka la jah noh mar ia iehnoh CEM u Bah Ardent”, la ong ka thymmei khubor na KHADC.
Katkum ka jingtip, kane ka Miej Iarap paidbah ka KHADC ka la treikam tang shi bnai eiei namar ba ki CEM kiba wan hadien jongu Bah Ardent, kim buddien shuh ia kane ka kam.
La iathuh ba ha ka por ba ka dang treikam katei ka Miej Iarap paidbah, la ioh bun jait ki jingujor jingkyrpad na ki nongshong iew na Iewduh kiba ka Council ka shem jingeh ban ai ia ka jingiarap.
Ka thymmei khubor, ka iathuh ba ki jingujor kiba ki nongshong Iew ki wan ban pan jingiarap ka long kum ka jingbym shah shong die jingdie ki bar jylla hakhmat dukan, ka jingkren baheh bad kiwei kiwei.
”Bun ki jingujor ki nongiew, la shem jingeh ban iapynbeit bad don kiba la lah ruh ban pynbeit”, la ong ka thymmei khubor.
Lah ban kdew ba ha ka por ba long CEM u Bah Ardent, ki nongshong iew ha Iewduh ki shongshit puk ban kyrshan ia u namar ka jingshim khia jongu ban pynbha ban pynkhuid ia ka Iew hynrei kane ka long tang kum ka tamasa shi sngi ha kaba ka la jah noh jar tang mar ia hap shuki u Bah Ardent.