Jaboh ka wah Rambrai, na ki karkhana ot dieng

Nongstoiñ, 19 ‘lyngkot:
Ka wah Rambrai kumba ka la paw naduh ki por kiba mynshwa ba ka dei kawei napdeng ki wah kiba don nam hapoh West Khasi Hills Diatrict halor ka jingkhuid jingsuba, hynrei kaba sngewsih mynta ka long ba katei ka wah kala duh noh ia katei ka nam ka burom ka jong ka, tang namar ka jingleh bymsuidniew ki paidbah nongshong shnong katei ka thain kiba la pynlong noh ia katei ka wah kum ka jaka theh bad bret niut.
Ia katei la lap da ka seng HnniewTrep Youth ‘s councel (HYC) Rambrai Circle ha kaba ka seng ka la pynpaw ia ka jingsngew khia kaba jur halor ka jingjaboh jong ki wah kiba don ha ka thain Rambrai bad khamtam ka wah Rambrai ha kaba la jakhlia haduh katta katta, namar ka jingleh jaboh ki paidbah nongshong shnong kiba la pyntuid ia ki jakhlia kiba mih na ki ing ki sem ki jong ki sha katei ka wah.
Haba iakren bad ki nongthoh khubor u samla lasmonroy Pariong General Secretary ka HYC Rambrai Circle, u la ong ba kaba kham ima shuh shuh ia katei ka wah ka long ba ki don katto kattne ki karkhana ot dieng kiba don ha syndah jong katei wah kiba ju mlien ban bret bad pyntuid ruh iaki jakhlia jakhlait kiba mih na kitei ki karkhana shapoh jong katei ka wah.
Shuh shuh u la ong ruh ba ka jingbret bad pyntuid ia u spurding u ba mih bun bha na kitei ki karkhana ka long thik kum ka jaka bret niut lane ka jaka theh niut kaba la pynlong ruh ia katei ka wah ba kan don hapdeng ka jingma kaba khraw.
Kumta na ka liang jong ka seng ka maham jur ia ki nong pynjakhlia ia ktei ka wah khamtam ki karkhana ot dieng bad ka ka seng lyngba kane ka khubor ka maham ruh ia trai karkhana ot dieng ba ki dei ban kit noh mardor iaki spur ki ba lumthup ha rud katei ka wah bad ha kajuh kapor ka seng ka maham tyngeh ruh ia ki briew kiba ju pyniap pathar iaki doh um khamtam ki dohkha da ba ai dawai bad lada ka seng ka lap kan leh daka ba tyngeh.