“Israel, America”

AIS Suja

Ka jingiadei paralok hapdeng ka USA bad ka Israel ka long kaba iajan bha naduh ki por mynshuwa bad mynta. Ka daw ka long namar ba ka USA ka tip kaei ka Israel. Ka Israel ka lah ban iadei paralok bad kiwei pat ki Ri ka pyrthei hynrei ym kumba iadei bad ka America (USA). Ki nong America ki tip bha ia ka history jong ka Israel kum ka Ri ka jingkular ne Promise Land jong u Blei. Kane kam dei ka jingjia kaba shu jia ryngkhat, hynrei ka don ha ka jingthmu jong u Blei na sha lyndet. Wat la katta ruh ka por kan poi ba ka America kan kynran dien ha ka jingiadei paralok bad ka Israel namar ka jingsheptieng ia kiwei pat ki Ri ka pyrthei kiba pyrshah Israel.
Ngi tip ba ka nongshun bakhraw jong ka Israel naduh hyndai haduh mynta, dei ka Iran. Kumta mynta ha kane ka por jingsynshar jong u Trump bad u Benjamin Nethanyahu kaba mynta, la tip ba ka Washington bad ka Tehran ki don hapdeng ka jingkynad ba jur tang na ka daw ka Israel, bad kane la lah ban ialam syndon sha ka jingialehthma hapdeng ka America bad kan ym treh ban iateh kano kano ka soskular hapdeng ka Iran, lymda ka Iran kam pyndem ha ka America.
Ka Iran ka long kawei na kita ki Arab States ne Arab Countries ha Middle East, bad kiba bun na kine ki Arab States ki long kiba pyrshah bha ia ka Iran namar ka jinglong kyrpang jong ka bad ka jingkhrawbor jong ka ha ki liang baroh.
Ka Israel ka don ka sap ka phong ha ka ym ha ka jingiohi briew, hynrei wat u soitan hi u khih jingmut palat ia ka Israel bad kynshoit ia kiba bun ki Ri ka pyrthei khamtam ki Arab. Namar u soitan kum u ksuid u tip bha kaei ka Israel bad kaei ka Jerusalem. U tip bha ruh ba dei na ki Jiw na Israel la wan mih u Nongpynim ka pyrthei, “Salvation is form the Jews” ka jingpynim ia ka pyrthei na u soitan ka long na ki Jiw. Ioanis 4:22. Namar hangne la kha ia u Nongpynim ka pyrthei, u Jisu Khrist u Trai.
Shaphang ka history jong ki Israel u Blei u lah kren naduh ka ba nyngkong namar u long u Blei, u lah tip ban iohi lypa. Kumta ha ka Kitab Salm u David la thoh – “Ki la ong ia ngin ia pynduh ia ki ba kin ym long ka jaid bynriew bad ia ka kyrteng ISRAEL yn ym kynmaw shuh” Salm 83:4. Thik ka la jia kumta kumba la kren ka ktien u Blei, kumta naduh u snem 1957, ka kot khubor Jordan ka la ong – ki kti jong ngi kin ym shong thait tad haduh ba ngin da iohi ia ka jingkyllon ka Israel u Arab un shad kmen. Ka Ri Sudan ka ong, “ka Israel ka long ka jingma ia ka jaid bynriew salonsar ha sla pyrthei”. Ka Syria ka ong – Ka Israel ka long ka jingpang thung hapdeng jong ngi” ka Egypt ka ong – Ki shipai Egypt ki la biang ban pyndam ia ka kyrteng Israel na ka map.
Ki Arab Middle East, ym tang ba ki kren ha ki khubor (Media) hynrei ki da ieng thma ruh borabor ia ka Israel hynrei ki shah rem bunsien. Ym tang mynshuwa hynrei haduh mynta mynne kane ka jingisih Israel ka trei ha ki Ri Arab.
Kane ka jingisih Israle ki Arab kam dei kaba na ki hi, hynrei ka dei ka jingtrei ki mynsiem Ksuid (devil spirits), ba ki da sngew sarong ialade ba ki long na kata ka pateng u Abraham bad u Ishmel kumba la thoh ha ka Kitab Genesis 16:16, hynrei kim tip pat ba ka dei ka jingtrei borbah u soitan ban isih ia ka Israel, namar ka Jutang U Blei ka long bad u Issak bad ki Israel. Kumta na ka pateng sha ka pateng, ka jingialeh thma kumno ban pynduh jaid ia ki Israel na sla pyrthei ym da ka jingpyrkhat jong ki ne ka mon jong ki hynrei na u soitan.
Kumta ka USA ka tip kaei ka Israel namar bun ki ngeit ha ka ktien u Blei, ka dei ka Ri Jingkular, ka jaka bakhuid jong u Blei, kumta ka USA ka don ka jingiajan bha bad ka Israel. Hynrei ka por ka poi ba ynda ki Ri ka pyrthei kin hiar thma ia ka Israel, ka USA kan hap ban iehnoh ia ka Israel. Hangta ka Israel kan ieng ialeh marwei bad hangta u Blei un pynbor ba kin ioh tip kaei ka Israel? Namar ong u Blei – “Uta uba ktah ia phi (Israel), u ktah ia i briew khmat jong nga” Sekhaiariah 2:8. Amen.