Ïoh U Editor Nongsain Hima, ia ka khusnam Indian Express

Shillong, 11 Nailur:
U bah Lambok Tha bah, Editor U Nongsain Hima, ha ka por, ba u dang shim ia ka khusnam Ram nath Goenka Ex cellence in Journalism Award-2011, kaba la ai da ka Indian Express group ha Kamal Mahal, Hotel ITC Maurya, New Delhi, ha ka 9tarik Nailur 2014, na ka lamphang jong ka Lok Sabbha, ka Sumitra Ma hajan. Katei ka khusnam, ba la ai ia U bah Thabah, ka dei halor ka jingpynduh khaw reshon, ia ki 20tylli ki longiing ha ka shnong Mawsynram, ha East Khasi Hills bad kham hadien, la rai beh shnong ia kitei ki 20tylli ki longiing bad hadien pat, ki la poi noh, sha ka jing ia beit bad ka bor Shnong Mawsynram
U Editor jong ka kotkhubor ‘U Nongsaiñ Hima’ u Bah Lambok Thabah, u la long uwei na ki 59 ngut ki nongthoh kotkhubor ha India uba la ioh ia katei ka khusnam ‘Ramnath Goenka Excellence in Journalism Awards’ ba la pyniaid da ka Express Group halor ka jingshakri bad ka jingnoh synñiang lyngba ki kotkhubor jong ki ha ki bynta bapher bapher jong ka Ri kiba iadei bad ka bha ka miat jong ki paidbah.
Ka jingshah jied jong U bah Thabah, ka dei halor ka khubor ha kaba iadei bad ka jingeh jong palat 25 tylli ki longiing longsem ha ka Shnong Mawsynram (Dong Sharum), East Khasi Hills ha kaba la bam klop noh ia u ia u khaw bad ka shini rashon ba ki dei ban ioh kumba la mang da ka Sorkar na ka bynta jong ki.
Ka Indian Express Group, New Delhi kaba la khlieh da u Vivek Goenka kum u Chairman cum Managing Director kaba ju ai khusnam ia ki nongthoh khubor ha kylleng sawdong ka Ri India kiba la noh synñiang ha ki rukom bapher bapher na ka bynta ki paidbah bad ka imlang ka sahlang. Ka la shim por haduh kumba shi snem tam ia ka ‘ Indian Express Group’ ban bishar bniah shwa ban ai jingmynjur ba ‘ U Nongsaiñ Hima’ un ioh ia katei ka khusnam.
Ka Shillong Press Club ka ai khublei bad pynpaw ka jingsngew sarong ba kawei na ki Kot Khubor Khasi na jylla, “U Nongsain Hima”, ka la ioh ia ka Khusnam National Award Ramnath Goenka Excellence in Journalism Award, ia kaba la sam da ka Speaker jong ka Lok Sabha, ka Sumitra Mahajan.
Ka SPC ka ai khublei kyrpang ia u Editor bad ia baroh ki nongtrei jong kane ka khubor na ka bynta kane ka jingjop jong ki. Kane ka jingioh khusnam jong ki ka long ka burom ia ki lad pathai khubor ha ka jylla bad kan nang ai mynsiem ruh ia ki nongthoh khubor ban nang trei kham bha shuh shuh na ka bynta ban shakri ia ki paidbah.