Ioh tiar ialeh ki lehnoh Maoist na Dong Mihngi, ong u MR

Shillong, 11 Jylliew:
U Myntri Rangbah ka jylla u Dr Mukul Sang ma u la ong ba ka seng lehnoh Maoist ka la ioh ia ki tiar ialeh na kane ka thain North East .
“Wat ki lehnoh Moaist la ha Jharkhand lane ha Chattisgarh ki ioh ia ki tiar ialeh jongki ba la khaii beain na kane ka thain North East”, la ong u Mukul haba jubab ia ka jingiatainia halor ka dorbar mang tyngka mynta ka sngi ha iing dorbar ka sngi Balang.
U la ong ba ki seng lehnoh bapher bapher jong kane ka thain bad ha India ki ioh tiar ialeh na kane ka thain namar ba kane ka thain ka long kum ka jaka pyniaid ia ki tiar siat beain.
U la ong ba ia kane donkam ban iakren bad kiwei ki ri ba marjan khnang ban tehlakam.
Katkum ka jingong u Myntri Rangbah ki tiar siat kum ka AK-47 Series bad Under Barrel Grenade Launcher (UBGL) kim dei ba shna ha Tura ha kano kano ka bynta jong ka Meghalaya hynrei dei kiba la wanrah nabar.
“Kine ki tiar siat ki wan na kiwei ki ri kum na Bangladesh, Myanmar bad China. Namarkata, ka donkam ban iakren bad ban iatreilang ryngkat ka sorkar pdeng bad ka sorkar jylla”u la ong.
U la ong ba un iakren ia ki heh ka sorkar pdeng halor kane ka kam kaba ktah jur ia ka suk ka sain jong ka North East bad ka ri.
“Ngi donkam ban don ka mon ka sain pyrthei halor kane ka kam ban pynkut ia ka jingeh”, la ong u Mukul.