Ioh takma rupa khlur ka Kong A Swer, takma rupa hati ia u Bah GG Pariat

Shillong, 14  Nohprah:
U Jt. State Secretary ka Meghalaya Bharat Scouts and Guides (MBSG), Shillong u la pynbna ba ka Kong A Swer ka State Secretary ka la ioh pdiang ia ka takma rupa hati ne Silver Elephant, kaba dei ka khusnam kaba heh bha jong ka Bharat Scouts and Guides ha India na ka bynta ka jingnoh synniang jongka ban kyntiew ia ki samla ka jylla bad ka ri katba u Bah G G Pariat u la ioh ia ka khusnam Takma rupa khlur, kaba dei kaba lai ka jingheh ha ka jingshakri.
Ia kane ka khusnam la sam da u President ka India, u Pranab Mukherjee  ha ka jingialang kaba long ha ka Durbar Hallka Rashtrapati Bhavan, New Delhi.Ka Kong  A Swer ka dei ka dkhot ka National Headquarter Commissioner (Guides), ka dkhot ka National Council, National Executive and Rules Committee ka National Bharat Scouts and Guides bad ka State Secretary kaba trei ban kyntiew ia ki samla. Ka Kong Swer ka la shakri ha kane ka kam la 40 snem bad ka la ioh kham mynshwa kum ka  Golden Beads Trainers Award  na ka bynta ka jingtbit jongka ban pyniaid ha ka Indian Bharat Scouts and Guides la 25 snem. U Bah G G Pariat u dei u Headquarters Commissioner (Scouts) uba peit ia ka jingpynthymmai ia ka Bye Laws bad Service Conduct Rules. U dei u  President ka Meghalaya State Scout and Guides Fellowship (ka kynhun jong ki dkhot rangbah).