Ioh street light ka shnong Pahamsyiem, ba ai sngewbha u MLA Nongpoh

Nongpoh: Hynnin ka sngi Saitjain, ka shnong Pahamsyiem, ka la pynlong ia ka jingpynkhuid shnong, ki paidbah na katei ka shnong, ki la iamih ryntih na ka bynta ban pynkhuid ia baroh ki jaboh jabain ha katei ka shnong.

Ha katei ka sngi, la wan ban iashimbynta lang ruh da u Bah Mayralborn Syiem, MLA ka Nongpoh, nangta u Bah Balajied Rani, MDC Nongpoh, u Bah Jetwin Lyngdoh, Rangbah Shnong Pahamsyiem lem shibun kiwei.

Ha katei ka sngi, ba ka shnong Pahamsyiem, ka la pynlong ia katei ka prokram pynkhuid shnong, u MLA Nongpoh, u la ai sngewbha ia ka Shnong Pahamsyiem da ki Street Light hapoh katei ka shnong bad ha katei hi ka sngi, la ioh ban plie paidbah ia kawei ka jaka sum paidbah ha Pahamsyiem.