Ïoh sei ki pulit sa ia ka met jong u khynnah, ba shah rong um ha wah Tihiang

Shillong: Ki pulit ngam um jong ka State Disaster Response Force, mynta ka step ki la ioh ban sei ia ka met jong u Lapynshai L. Mawlot uba dang 13 snem ka rta uba dei uwei na ki lanot shah rong um ha wah Tihiang.

Katkum ka jingiathuh jong u secretary Shnong jong ka shnong ka Mawjai, u Bah Zandy Myrthong u la iathuh ba iaka met jong une u khynnah la lap bynne ka step na kane ka wah Tihiang harum jong ka kshaid Kylle Sha Thma ha ka por kumba 10 mynstep.

Kat haduh mynta ki pulit ki dang ioh ban sei 4 tylli ki metiap kiba kynthup ia iwei I khyllung iba dang shi snem.

Ïa mynta ki pulit jong ka State Disaster Response Force bad ka Mawkyrwat Fire and Rescue service ki dang thwet sa ia ka met jong uwei u rangbah uba la tip kyrteng kum u Ferdinand Myrthong uba 45 snem ka rta.