Ioh rah u Pynshngain langpen iaka nam lahduh haka “ MR.7-WASA” ka JSU

U pynshngain langpen naka Body Zoo u wei naki nong iashim bynta haka
1st body Building & Fitness Championship “ Mr.7-WASA” kaba la pyllong
daka Jaintia Students’ Union (JSU) Sengkmie ha kane ka sngi sait jain
bala dep kata 8/06/2013 u la ioh ban khur iaka nam lah duh kaba la tip
kum ka Mr 7-WASA.
U pynshmgain Langpen u dei u nongiashim bynta naka kyrdan kaba 70 kgs
ha kaba u la ioh ban khur iaka namjop “Mr 7-Wasa” na pdeng jongki lai
phew ngut ki nongiashim bynta ha kane ka jingiakop kaba dei ruh ka
sien kaba nyngkop hapoh ka Rilum Jaintia.
Ki nongjop haki kyrdan bapher bapher ki long 55kilo la jop da u
sniriang Sumer naka Body Mass & Fitness Gym Jowai, haka 60kilo la jop
da u Maradona naka Body Zoo shilling, haka 65kilo la jop da u Laket
Pde naka Body Zoo shillong haka70kilo la jop da u Pynshngain Langpen
naka body Zoo bad haka kyrdan 75kilo sha neng la jop da u Flanagan
kharwanlang naka Body Zoo shilling.
Ia kane ka jingiakop u la plie da u Deputy Commissioner jongka West
Jaintia Hills kum u Kongsan ha ka jingiadon lang ki riew rangbah
rangbah Karlan Rymbai bad Chaphrang Passah kiba dei president ba rim
jongka JSU, u president bad Secretary ka Meghalaya Body Building &
Fitness Association bad kiwei ki wei ki nong ia shah khot sngewbha bad
ki nong peitkai. Iaka jingialang ba lynkot ha shwa ka jingiakop la
pyniaid da u President ka JSU Shri.Rikut .N Parien.
Ki nongbishar ha kane ka sngi ki dei u shri. Ajay Gupta bad u bah R.diengdoh.