Ioh rah U Lionel Messi, kum u nongialehkai ba bit duh ka FIFA

U Lionel Messi, ula ioh ia ka nam kum u nongialehkai ba tbit duh jong u snem, ba la ithuh da ka FIFA lane The Best Fifa Men’s Footballer of The Year Award.

Utei u nongialehkai ka Argentina, u ioh ia katei ka khusnam, ha ka sien kaba hynriew, da kaba u pynkyndit ia U Van Dijk, uba la ioh ia ka nam jong ka UEFA Champions League Player of The Year ha u bnai ba ladep.

U Van Dijk, u nongialehkai ka Liverpool, u wan ba ar bad U Ronaldo, u nongialehkai ka Juventus, u wan ha ka kyrdan ba lai.

Ha kane ka jingjied ha kane ka kynti, U Jurgen Klopp, uba dei u nonghikai jong ka Liverpool, u ioh kum u nonghikai ba bit duh jong u snem bad sa Alisson Becker, kum u nongap kol ba bit duh.