Ia I samla Eulaila A. Malngiang iba dei na ka shnong Malki iba la iohrah ia ka nam kum ka Miss Global International Ambassador 2024, la ioh ban pynkupburom ha ka program kaba la pynlong ha Khasi National Durbar Hall, Mawkhar.
Ha kane ka program la wan ban don lang u bah Manuel Badwar kum u kongsan, u bah Janai Nongkynrih uba dei u nonghikai ba la paw ha ki jinghikai shad khasi, bah Rapborlang Lyngdoh Mawphlang uba dei u International Marketing Director jong ka Mr. Elite International, I kmie jong I samla Eulaila A. Malngiang, ki hynmen ki para bad ki bahaiing hasem.
Haba kren ha kane ka sngi kum u kongsan, u bah Manuel Badwar u la ong ba ha kane ka pyrthei ba mynta, ka fashion ka la long tang ka rongphong pyrthei hynrei ki khun samla kidei ban shim ba ka fashion kadei ka lad ban pyni ia ka sap jong ki sha ka pyrthei ia ki riam ki khasi.
U la ong ruh ba ka jingshim rai kaba mynta, kan wanrah ia ka jingkylla ha kine ki 5 lane 10 snem bad kum ki samla ki dei ban long kiba janai haba jied ia kano kano ka bynta kaba ki sngewtynnad.
I samla Eulaila I la ai ka jingkhublei ia ki kmie ki kpa, ki bahaiing hasem bad ia kiba don bynta ban kyntiew ia I ha kane ka sap bad I la ong ba lyngba kane ka jingtrei shitom, in poi sha ki rynsan kiba kham heh.
kreñ khasi pat lah klet.