Ioh pyllait im ki shipai BSF ia ki 4 ngut ki khynnah rit

Shillong:Ha ka sngi palei ki shipai BSF,  ki la ioh ban pyllait im ia ki 4 ngut ki khynnah rit, na ka jingngam jyllop, katba ki dang jngi ha ka wah Khuri nullah, kaba don hajan ka BSF BOP, ha ka shnong Lyngkhat.La iathuh ba katba ki dang ia jngi ha katei ka wah; ka um ka la heh kynsan na ka daw ba slap. Hadien kata kitei ki khynnah ki la pyrta jingiarap bad mar ia iohsngew ki shipai ruh ki la leit bad ki la ioh ban pyllait im ia ki.Kitei ki khynnah la tip kyrteng kum u  Leading Stone (06 snem), Abhijeet (07 snem), Tranky (05 snem), Barik (16 snem) bad ki dei na katei hi ka shnong Lyngkhat.